Verkefnið er tvíþætt:
- Verkefni og skýrsla sem þið vinnið sjálf, gildir 10% af lokaeinkunn.
- Valkvæm kynning á verkefni, gildir 10% af lokaeinkunn til upphækkunnar.
Ætlast er til að allir vinni og skili verkefni og skýrslu.
Verkefni unnið kringum valið efni og er í formi forrits eða viðmóts sem unnið er frá grunni.
Skilyrði er að verkefnið skal nýta a.m.k. þrennt af eftirfarandi:
- Einhversskonar próf skrifuð sem skipta máli.
- Notendaumsjón útfærð.
- Vefþjónusta (REST eða GraphQL) útfærð.
- Bakendi útfærður.
- Framendi útfærður (með template máli, React, Svelte eða öðru framenda framework).
- Gagnagrunnur (SQL eða NoSQL) notað.
- Hönnunarskjöl útfærð (Figma, UML rit eða álíka) og kynnt í skýrslu.
- Greining á verkefni unnin fyrirfram t.d. ef verkefnið er stærra en það sem formast innan þessa verkefnis (t.d. tímalínur, niðurbrot á verkþáttum) og kynnt í skýrslu.
Skýrsla er skjölun á því hvað var gert og hvernig það tengist vefforritun, hvaða skilyrði og hvernig þau voru uppfyllt.
Form skýrslur skal annaðhvort vera Markdown skjöl í repo (readme.md og hugsanlega fleiri skrár) eða sem PDF skjali.
Ekki er krafa um ákveðin blaðsíðufjölda en skýrslan skal uppfylla það sem ætlast er til í þessari lýsingu á skýran hátt.
Skrifa má skýrsluna á íslensku eða ensku.
Dæmi um efni sem farið er yfir:
- Inngangur, hvaða verkefni er valið og afhverju
- Hvaða skilyrði eru uppfyllt og hvernig
- Hvernig gekk að útfæra: hvað gekk vel, hvað gekk illa, hvað var áhugavert og þannig
- Hvað næst? Er þetta eitthvað sem þú ætlar að halda áfram með eða ekki?
Skila þarf verkefni og skýrslu fyrir kynningu til að geta fengið fulla einkunn.
Kynning fer fram í mánudags eða miðvikudagstíma fyrir framan kennara og aðra nemendur. Kynning fer yfir það sem kemur fram í skýrslu og sýnir dæmi úr forriti.
Lengd skal vera um 10 mínútur, hámark 15 mínútur.
Eftir kynningu þarf að svara óundirbúnum spurningum frá kennara.
Verkefnið er viljandi opið, þið megið gera hérumbil hvað sem er svo lengi sem það hefur einhverja tengingu við vefforritun (þarf ekki einu sinni að vera tengt við neitt sem við gerðum í vor!)
Til dæmis:
- Önnur framendaframework, t.d. Vue,
- Vefforritun í öðru forritunarmáli/forritunarumhverfi, t.d. Ruby on Rails, .NET, PHP.
- Notkun á öðrum gagnagrunnum, SQL eða NoSQL
- App dæmi sem nýtir t.d. React Native eða Flutter.
- Útfærsla á verkefni í formi vefforrits:
- Einhver „viðskiptahugmynd“, getur verið í formi „proof of concept“.
- Þitt eigin vefur/blog.
- Vefur um efni/áhugamál.
- Önnur hýsing, t.d. Cloudflare, AWS eða Google Cloud.
Verkefni sett fyrir í fyrirlestri miðvikudaginn 24. janúar 2024.
Skrá þarf sig til að taka þátt í kynningu fyrir 1. mars 2024, sjá Canvas. Skráning er ekki bindandi.
- Verkefni og skýrsla:
- 20% Verkefni er fullklárað.
- 50% Efnistök og tenging við vefforritun, skilyrði uppfyllt.
- 30% Skýrsla.
- Kynning
- 10% Kynning virðir tímamörk.
- 20% Uppsetning, glærur, forritunardæmi.
- 50% Kynningin skýr og auðvelt að fylgja eftir.
- 20% Svör við óundirbúnum spurningum.
Skil á kláruðu verkefni án kynningar skal skila á Canvas í seinasta lagi föstudaginn 29. mars 2024.
Skil skulu innihalda:
- Slóð á verkefni keyrandi á hýsingu, ef við á.
- Slóð á GitHub repo fyrir verkefni, bjóða skal
oskí repo. - Skýrsla (sjá kröfur um form að ofan).
Skila skal kynningu á Canvas í seinasta lagi daginn fyrir kynningu.
Kynningar fara fram í fyrirlestrartímum:
- miðvikudaginn 3. apríl 2024.
- mánudaginn 8. apríl 2024.
- miðvikudaginn 10. apríl 2024.
- mánudaginn 15. apríl 2024, ef þarf.
- miðvikudaginn 17. apríl 2024, ef þarf.
Skráning á þær er sérstaklega tiltekin í verkefnalýsingu á Canvas.
Skrá þarf sig til að taka þátt í kynningu fyrir 1. mars 2024, sjá Canvas. Skráning er ekki bindandi.
Útgáfa 0.2
| Útgáfa | Breyting |
|---|---|
| 0.1 | Fyrsta útgáfa |
| 0.2 | Nánar um skýrslu |