zbalogji.jbo

mu ve pruce co randa be lo zbalogji

.i lo cmaci prenu ku ka'e pensi tu'a lo zbalogji
.i da'i ra te jarco lo na'e birti krinu be lo zbalogji gi'u da'inai milxe lo ka pijyske
.i ta'e nintadni ke zbalogji cukta lo jicmu .e lo po'o caxno cmaci
.i lo certu ke zbalogji cukta ku jdari pe'a
.i lo cmaci prenu ku cinmo ma lo zbalogji
.i ma sidbo lo zbalogji ku lo cmaci prenu ka'ai lo zbalogji
.i mi spuda troci

.i lo ka cilre fi lo zbalogji kei ka'e rinka lo ka menli cortu ku lo ka to'e cilre fi lo fadnylogji
.i ne'i lo cukta be la'e zoi gy. On Death and Dying gy.
    bei lo menske prenu be me'e zoi gy. Elisabeth Kübler-Ross gy.
    lo mu ve pruce co randa be lo ve xrani be'o ku du
        lo ka to'e tugni ku ce'o lo ka fengu ku ce'o lo ka canja ku ce'o lo ka badri ku ce'o lo ka randa
.i mi'o jersi

ni'o pamo'o lo ka to'e tugni

.i su'o lo cmaci prenu ku to'e jundi lo zbalogji
    ki'u lo ka na jimpe fi lo zbalogji gi'a logji srera
.i mi'o cikre lo srera

pamoi claxu lo cimoi

.i lo zbalogji cmaci ku cmaci secau lo claxu cimoi jicmu

    .i ro bu'a poi terbrimei li no zo'u bu'a gi'a na bu'a

.i mi'o na'e to'e tugni fi lo du'u jicmu gi'e ku'i pilno lo mupli be lo jicmu noi mi'o nibli birti
.i do pamoi se xamgu lo ka jarco lo ka jimpe lo du'u
    lo'i jicmu pe la pi'ano. ku nibli lo du'u
        ro da poi kacna'u ku'o ro de poi kacna'u zo'u da de du gi'a na du

.i srera lo ka pensi lo du'u lo zbalogji ku stidi lo ci se kakne

    .i su'o bu'a poi terbrimei li no zo'u na bu'a gi'e na na bu'a

.i la'e di'u jitfa lo zbalogji ni'i lo na'e natfe jicmu

    .i no bu'a poi terbrimei li no zo'u bu'a gi'e na bu'a

.i mi'o birti la'e di'u sepi'o la'e di'e .e lo du'u
    lo du'u na broda ku nibli lo du'u broda nagi'a gai'o ku lo zbalogji

    .i sruma lo du'u broda .ije na broda
    .i lo du'u na broda ku nibli lo du'u broda nagi'a gai'o
    .iki'ubo mi'o pilno la nibli tadji ku lo ka birti lo du'u gai'o
    .i natfe .i lo du'u broda ku na zasti

.i ra'unai lo krinu na'e natfe nibli gi'e ku'i jitfa nibli

remoi natfe nibli .ije jitfa nibli

.i natfe nibli tadji

    .i ro bu'a zo'u na na bu'a nagi'a bu'a

.i mintu lo claxu cimoi jicmu
.i lu natfe nibli li'u cmene fi lo cmaci prenu ku
    fe su'o tadji noi galfi lo jitfa ku lo natfe
.i ku'i la'e di'u cfipu fi lo du'u ra tarmi re tadji
.i pa da ja'a natfe nibli tadji

    .i sruma lo du'u na broda .i co'e .i broda

.i pa da jitfa nibli tadji

    .i sruma lo du'u broda .i co'e .i na broda

.i lo du'u lu na broda li'u dunli lu broda nagi'a gai'o li'u ku nibli lo du'u
    lo jitfa nibli tadji ku srana lo nibli tadni
.i je'u lo'i re tadji ku simxu lo ka simsa gi'e ku'i na du
.i mi'o ka'enai zbasu lo du'u na na broda gi'o broda ku lo jitfa nibli tadji
.i je'u lo'i re tadji ku simxu lo ka frica

.i misno ta'i lo jitfa nibli ku fa lo du'u li re fe'a re lo'o na frinyna'u kei
    .e lo tadji pe la kantr ku noi nibli lo du'u na gairfancu da lo'i se steci be fi da
    .e lo tadji pe la rysl ku noi nibli lo du'u na selcmi lo'i ro selcmi
.i ri zbalogji tadji
.i mi'o birti lo tadji pe la rysl

.i pamoi tadji .i na selcmi lo'i ro selcmi

    .i mi'o jersi lo slabu tadji
    .i sruma lo du'u da selcmi lo'i ro selcmi
    .i pensi lo du'u lo ka ce'u na cmima ce'u ku steci de da
    .i ganai de cmima de gi de na cmima de .i natfe
    .i ganai de na cmima de gi de cmima de .i natfe
    .i jitfa nibli tadji .i na'e natfe jicmu .i lo'i ro selcmi ku na cmima

.i ja'a jitfa nibli tadji mu'i lo du'u
    mi'o sruma lo du'u da selcmi lo'i ro selcmi gi'e birti lo natfe
.i mi'o kakne lo ka sanji lo claxu cimoi jicmu gi'e ku'i na'e bilga

.i lo tadji ku ta'e jarco lo ka pilno lo claxu cimoi jicmu

.i remoi tadji .i su'o da su'o de zo'u
    da .e de na frinyna'u .ije lo tenfa be da bei de ku frinyna'u

    .i li xy. du li re fe'a re
    .i sepi'o lo claxu cimoi jicmu ku li xy. te'a xy. lo'o frinyna'u gi'a na frinyna'u
    .i ganai frinyna'u gi da de du li xy.
    .i ganai na frinyna'u gi ga da du li xy. te'a xy. gi de du li xy.

.i xlali mupli mu'i lo du'u na nitcu lo ka fendi fi lo re se kakne
.i li xy. te'a xy. lo'o na frinyna'u .i na'e frili birti
.i zbalogji tadni

    .i li vei re fe'a re ve'o te'a vei re de'o so ve'o lo'o
        du li vei re te'a vei re de'o so ve'o ve'o fe'a re lo'o
        li so fe'a re lo'o
        li ci

.i je'u nitcu lo ka birti lo du'u li re de'o so lo'o na frinyna'u
    .ije ku'i na'e nandu tadji zmadu lo du'u li re fe'a re lo'o na frinyna'u

cimoi cuxna jicmu

.i sepi'o lo zbalogji ku mi'o se kargu lo cuxna jicmu ku lo du'u
    ri jai nibli lo claxu cimoi jicmu
.i mi'o nitcu fi lo ka birti ku fe lo ka milxe djuno fi lo ka cmima
.i ba'a dai ro da ro de zo'u

    da ce de du lo se steci be lo ka ce'u du da gi'e du de

.i ro de di zo'u mi'o birti lo du'u
    ro da poi ke'a cmima de ce di zo'u da broda ku .anai lo du'u
    de broda .ije di broda

.i va'o lo zbalogji ku mi'o kurji lo cuxna jicmu ku mu'i lo du'u
    frica fa
        lo na'e kunti cmima noi ke'a na du le se nomei ku'o ku
        lo se xabju cmima noi ke'a se cmima da
.i lo cuxna jicmu ku nibli lo du'u
    ro da poi se cmima lo se steci be fi lo se xabju cmima ku'o
    se mapti lo cuxna fancu

.i cimoi tadji fi'e la di'akonesku. .i lo cuxna jicmu jai nibli lo claxu cimoi jicmu

    .i bridi lo ka broda ku le nomei .i mu'i lo nu jdice lo du'u broda
        .i abu se steci lo ka broda .ija ce'u du li no ku li no ce li pa
        .i by. se steci lo ka broda .ija ce'u du li pa ku li no ce li pa
    .i abu ce by. se xabju cmima ni'i lo du'u
        li no cmima abu .ije li pa cmima by.
    .i ni'i lo cuxna jicmu ku fy. fancu abu ce by. abu jo'e by.
        seva'o li fy. boi abu lo'o cmima abu .ije li fy. boi by. lo'o cmima by.
    .i lo du'u li fy. boi abu lo'o cmima li no ce li pa ku nibli lo du'u
        li fy. boi abu lo'o du li no .a li pa
    .ije lo du'u li fy. boi by. lo'o cmima li no ce li pa ku nibli lo du'u
        li fy. boi by. lo'o du li no .a li pa
    .i vo se kakne
        .i pamoi zo'u ganai li fy. boi abu lo'o du li pa gi
            broda .ija li pa du li no .i broda
        .i remoi zo'u ganai li fy. boi by. lo'o du li no gi
            broda .ija li no du li pa .i broda
        .i cimoi zo'u ganai li fy. boi abu lo'o du li no .ije li fy. boi by lo'o du li pa gi
            na broda
            .i ganai broda gi abu by. du li pa ce li no
            .i du li no lo'o li fy. boi abu lo'o li fy. boi by. lo'o li pa
            .i natfe
    .i broda gi'a na broda

.i mi'e la korvo .i mi fanva zoi .urli.
https://www.ams.org/journals/bull/2017-54-03/S0273-0979-2016-01556-4/S0273-0979-2016-01556-4.pdf
.urli.