MinervaLab 2.0 Bertsioaren biltegia

---

MinervaLab "Termodinamika eta Fisika Estatistikoa" irakasgaiaren irakaskuntza-prozesuan laguntzeko euskarri digitala da. Zehatzago, aplikazio-sorta bat da, irakasgaian zehar agertzen diren adierazpide grafikoak modu interaktiboan irudikatzen dituena, besteak beste. Proiektuaren lehen bertsioa 2020ko ekainean argitaratu zuen Jon Gabirondo López-ek bere Fisikako Graduko GrALean.

Jatorrizko proiektuaren bitlegia hemen topa daiteke:

Exekutatu sarean

Notebook-ak nabigatzailean exekutatu daitezke Binder erabiliz, aplikazio bakoitzaren helbidean klikatuta.

Dokumentazioa

Aplikazio guztien dokumentazioa eskuragarri dago Read the Docs atarian.

2.0 Bertsioko aplikazio berriak:

Aplikazioei erreferentzia egiteko, zenbakizko kode bat esleitu zaio aplikazio bakoitzari, lehenengo bertsioko numerazio-sistemari jarraituz. Tabla honetan bigarren bertsiorako garatutako aplikazioen zerrenda aurki daiteke. Aplikazioaren helbidean klikatuz gero, Binderreko notebook exekutagarria irekiko da. Iturri-kodea ikusteko biltegi honetan bertan ireki daitezke aplikazioak, dagokien helbidean

Kodea #	Kontzeptua	Helbidea	Deskribapena
#121-000	Bolumen konstanteko gas termometroa eta zero printzipioa	apps/ideal_gas/gas_thermometer.ipynb	Gas ezberdinentzako tenperatura enpirikoaren neurketak presio ezberdinetarako.
#122-000	Prozesu kuasiestatiko sinpleak	apps/ideal_gas/simple_processes.ipynb	Gas idealaren kasurako prozesu isokoro, isobaro, isotermo eta adiabatikoen azterketa.
#123-000	Prozesu politropikoak	apps/ideal_gas/polytropic_processes.ipynb	Gas idealaren kasurako, indize ezberdineko prozesu politropikoen azterketa.
#124-000	Ziklo termodinamikoak eta motore termikoak	apps/ideal_gas/thermodynamic_cycles.ipynb	Carnot, Diesel eta Stirling zikloen azterketa.
#131-000	Banaketa estatistikoak	apps/fermi_gas/distribution_comparison.ipynb	Fermi-Dirac, Bose-Einstein eta Maxwell-Boltzmann banaketa-funtzioen arteko konparazioa.
#132-000	Fermi-Dirac banaketa eta potentzial kimikoa	apps/fermi_gas/chemical_potential.ipynb	Fermi-Dirac banaketaren bidez potentzial kimikoaren esangura ulertzeko aplikazioa.
#133-000	Fermi-Dirac banaketa eta egoera dentsitatea	apps/fermi_gas/density_of_states.ipynb	Egoera-dentsitatearen eragina ulertzeko aplikazioa, Fermi-Dirac banaketaren baitan.
#134-000	Bero ahalmen elektronikoa metaletan	apps/fermi_gas/specific_heat.ipynb	Fermi-Dirac banaketa erabiliz, metalen tenperatura baxuko bero-ahalmena kalkulatzeko tresna.

Dependentziak:

• bqplot (version = 0.11.6)
• ipywidgets
• scipy
• numpy
• pip
• matplotlib
• qgrid
• ipyvolume
• pandas
• appmode

Nola instalatu

Pip erabiliz:

1. Instalatu virtualenv eta sortu ingurune birtual berri bat MinervaLab-en instalazioa isolatzeko: virtualenv installation guide.

2. Aktibatu ingurune birtuala eta Jupyter instalatu: install Jupyter using pip.

3. Instalatu aipatutako dependentzia guztiak.

4. Biltegia klonatu (erabili git clone https://github.com/jongablop/MinervaLab.git) edo biltegia deskargatu bestela.

5. Ingurunearen root karpetan jarri eta exekutatu Jupyter:

    cd MinervaLab
    jupyter notebook

Lizentzia

Software hau GNU General Public License v3.0. lizentziapean argitaratuta dago. Informazio gehiagorako ikus LIZENTZIA.